AQF 澳洲過往資歷認證是甚麼？

AQF - Australian Qualifications Framework, 相信對好多想移民澳洲，話去澳洲升學嘅人來講並不陌生。但係除咗係澳洲讀高等教育(Advance Diploma 和大學學位）以獲得嘅AQF認證之外，原來仲有其他用途。

一切源於27年前，當時我媽媽因為想照顧我已放棄了其他升學途徑。雖然係果個年代學歷並不是十分分重要，能夠升讀大學嘅亦都不多。記得我姨媽講過，當年高中係要自己比錢，同依家香港實行普遍教育嘅情況完全唔同。所以當我投身社會之後，喺媽媽幫助下能夠週遊列國，接受不同教育嘅我，希望鼓勵媽媽去進修。圓滿一下媽媽當年只有中學學歷嘅遺憾。

時而世易，現今嘅年代學歷可謂非常重要，無論你係做乜嘢行業，依家嘅僱主亦都會叫你交上相關嘅證書。如果你只有實際經驗已沒有學歷證明呢？

喺呢度就要講一講過往資歷認證。其實香港亦都有過往資歷認證，由香港政府認可。只要你能夠證明到你熟習相關行業所需既技巧、知識同埋經驗，就可以經由VTC, HKUSPACE 等高等教育學院為你頒發學歷證明，係香港能夠獲得嘅最高資歷係第四級，等同於高等文憑/ Advance Diploma。但係，香港嘅過往資歷認證格構十分局限。只限汽車業，珠寶業，零售業，鐘錶業等等，一啲不包括在內行業難以獲得資歷認證。

就係哩個時候我搵到澳洲嘅AQF 。同好多著重證明文件，學歷認證嘅國家一樣，澳洲亦有自己嘅一套資歷架構。分別之處在於澳洲仔細得多，例如澳洲會將博士學位分為授課式同研究式，分別位列於第9級同第10級。反觀英國同香港，兩者歸類為同一級。英國係第8級，香港則是第7級。

喺澳洲嘅AQF入面，高等文憑等於第6級，同一個認證，在英國是第5級，在香港等於第4級。而因為澳洲是 Commonwealth 英聯邦國家，所以這些認證同級數是可以同其他英聯邦國家嘅認證互相認可，亦可以持有這些證明去找工作，升讀大學課程。例如你持有澳洲AQF Lv6 高等文憑，你可以用此申請英國大學的Top Up Degree 最後一年入學。

過往資歷認可的申請不算困難，只要你真實持有每一個工作經驗的證明文件，如Reference Letter, Recommendation Letter, Salary Payslips, 有關工作的電郵，相片，影片等等。經過相關機構認證之後，可能需要經過面試，面談，有專人確認你的相關資歷屬實。便能夠經有澳洲的高等學院頒發相關證書，以驗證你在工作時獲得的知識和相對等的學歷。

以我的真人真事為例，我媽媽工作了20多年，經過佢咁多年工作嘅電郵，曾經負責過嘅項目，工作所需嘅實地考察，職業相關嘅技巧及知識。最後成功獲頒發AQF Level 6 Advance Diploma in Leadership and Management，等同於香港的Higher Diploma 高級文憑。更獲的英國大學的最後一年入學許可。

當年只有中學畢業嘅媽媽，就職一間美國貿易公司，10年來每日以英文為主工作。雖然佢自認英文唔算好好，但10幾年來每日嘅使用、纍積，令佢起碼在Business English方面運用自如。當年中五都未有嘅媽媽，完全冇諗過多年來嘅工作可以轉換成學歷，令佢嘅自信心大增。

加插一個小故事。有位親友好多年前已經移民澳洲，由於佢地家境殷實，所以呢位親友無需要返工，喺屋企做家庭主婦。過去幾年受疫情影響，佢先生嘅工作每況愈下，呢位親友想出嚟做野幫補下家計。但現實好無奈，每一次搵工，僱主方都以為親友沒有AQF認證，得香港嘅中學學歷，而拒絕佢嘅申請。所以AQF 作為一個澳洲國家認證嘅資歷證明，并不是單純的當做「買張CERT」，旁住係身咁簡單。而係真係國際認可，需要你嘅真實工作經歷過往，靠專人同高等院校去核實，而作出嘅證明。哩嗰證明分分鐘能夠在你最需要嘅時候幫你一把。

如果你已經工作5年～10年，需要一個學歷認證，不妨考慮一下AQF。 一啲職業例如係運動教練，零售服務業從業員，有兼職的家庭主婦，好早進入職場但需要一個學歷以便升職的人士。建議了解更多有關澳洲資歷架構認證嘅資訊，走少啲冤枉路，用已有嘅知識、經驗同技巧， 去申請一個國際認證嘅學歷。